Tu >>>>>>>>>>>>>>>>>>>>>>>>>>

Tu jitni baar girayega
main utni baar uth jaunga
tu jitni baar thokar marega
main utni baar sambhal jaunga
agar harana hai mujhe to maar daal
na zinda rahunga or na lad paunga

tu roshni ko door kar le mujhse
main andhero ko dost banaunga
tu meri zindgi se din mita de
main raaton me deepak jalaunga
agar harana hai mujhe to maar daal
na jinda rahunga or na lad paunga

tu ek rah par patthar bikher de
main dusra rasta banaunga
tu mere daaman me kaaten saja de
main lohe ka ban jaunga
agar harana hai mujhe to maar daal
na jinda rahunga or na lad paunga

tu sare apne gair bana de
main gairo ko apnaunga
tu mere jahan me aag lagade
main jahan naya basaunga
agar harana hai mujhe to maar daal
na jinda rahunga or na lad paunga

tu har pal mera dard badata ja
main har pal yu hi muskuraunga
tu har lamha mujhe zakham deta ja
main aankho me ek aansu na launga
agar harana hai mujhe to maar daal
na jinda rahunga or na lad paunga

jab tak zinda hu tab tak ladunga
vaada hai mera hanste hanste hi marunga
tu maar kar bhi mujhe hara nahi payega
in labo par kabhi tera naam nahi aayega
is ladayi ka kabhi kisi ko pata nahi chalega
teri jeet gumnamiyo me dafna jaunga
tu ye jism mita sakta hai aatma to nahi
main fir ek naye roop me ladne aaunga..........